tstotra 3 - Roman Transliteration

stotra set - 3

pa.nchaayudha stotram.h	dvaadashanaama pa.njaram.h	shrii nR^isiMhaashhTottara shatanaama stotram.h	shrii lakshmiinR^isiMha karaavalamba stotram.h
chatuHslokii		nandanandana kR^ishhNaashhTakam	sloka dvayaM sloka trayaM

chatuHslokii

chatuHslokii

bhagavadyaamunamunibhiranugR^ihiitaa

yatpadaambhoruhadhyaanavidhvastaasheshhakalmashhaH |
vastutaamupayaato.ahaM yaamuneyaM namaami tam.h ||

svaadayanniha sarveshhaaM trayyantaarthaM sudurgraham.h |
stotrayaamaasa yogiindrastaM vande yaamunaahvayam.h ||

namo namo yaamunaaya yaamunaaya namo namaH |
namo namo yaamunaaya yaamunaaya namo namaH ||


kaantaste purushhottamaH phaNipatiH shayyaa.asanaM vaahanaM
vedaatmaa vihageshvaro yavanikaa maayaa jaganmohinii |
brahmeshaadisuravrajaH sadayitaH tvaddaasadaasiigaNaH
shriirityeva cha naama te bhagavati ! bruumaH kathaM tvaaM vayam.h || 1 ||

yasyaaste mahimaanamaatmana iva tvadvallabho.api prabhuH
naalaM maatumiyattayaa niravadhiM nityaanukuulaM svataH |
taaM tvaaM daasa iti prapanna iti cha stoshhyaamyahaM nirbhayaH
lokaikeshvari ! lokanaathadayite ! daante dayaaM te vidan.h || 2 ||

Ishhat.h tvatkaruNaaniriikshaNasudhaasandhukshaNaadrakshyate
nashhTaM praak.h tadalaabhatastribhuvanaM saMpratyanantodayam.h |
shreyo na hyaravindalochanamanaHkaantaaprasaadaadR^ite
saMsR^ityaksharavaishhNavaadhvasu nR^iNaaM saMbhaavyate karhichit.h || 3 ||

shaantaanantamahaavibhuuti paramaM yad brahma ruupaM hareH
muurtaM brahma tato.api tatpriyataraM ruupaM yadatyadbhutam.h |
yaanyanyaani yathaasukhaM viharato ruupaaNi sarvaaNi taa -
nyaahuH svairanaruuparuupavibhavairgaaDhopaguuDhaani te || 4 ||

aakaara trayasaMpannaaM aravinda nivaasiniim.h |
asheshha jagadiishitriiM vande varada vallabhaam.h ||

iti bhagavadyaamunamunibhiranugR^ihiita chatuHshlokii * * * * *

nandananda shriikR^ishhNaashhTakam.h


bhaje vrajaikama.nDanaM samastapaapakhaNDanaM
svabhaktachittara.njanaM sadaiva nandanandanam.h |
supichchhaguchchha-mastakaM sunaadaveNuhastakaM
ana.ngara.ngasaagaraM namaami kR^ishhNa-naagaram.h || 1 ||

manoja-garvamochanaM vishaala-lola-lochanaM
vidhuutagopashochanaM namaami padmalochanam.h |
karaaravindabhuuvaraM smitaavalokasundaraM
mahendramaanadaaraNaM namaami kR^ishhNavaaraNam.h || 2 ||

kadaMbasuunakuNDalaM sachaarugaNDamaNDalaM
vrajaaMganaikavallabhaM namaami kR^ishhNa-durlabham.h |
yashodayaa samodayaa sagopayaa sanandayaa
yutaM sukhaikadaayakaM namaami gopanaayakam.h || 3 ||

sadaiva paadapa.nkajaM madiiyamaanase nijaM
dadhaanamuttamaalakaM namaami nandabaalakam.h |
samastadoshha-shoshhaNaM samastalokaposhhaNaM
samastagopa-maanasaM namaami kR^ishhNalaalasam.h || 4 ||

bhuvo bharaavataarakaM bhavaabdhikarNadhaarakaM
yashomatii-kishorakaM namaami dugdhachorakam.h |
dR^igantakaantabha.nginaM sadaasadaalasa.nginaM
dinedine navaM navaM namaami nandasaMbhavam.h || 5 ||

guNaakaraM sukhaakaraM kR^ipaakaraM kR^ipaavaraM
suradvishha-nnikandanaM namaami gopanandanam.h |
naviinagopanaagaraM naviinakeli-laMpaTaM
namaami meghasundaraM taDitprabhaalasatpaTam.h || 6 ||

samastagopanandanaM hR^idaMbujaikamohanaM
namaami ku.njamadhyagaM prasannabhaanushobhanam.h |
nikaama-kaamadaayakaM dR^igantachaaru-saayakaM
rasaalaveNu-gaayakaM namaami ku.njanaayakam.h || 7 ||

vidagdha-gopikaa-mano-manoGYatalpa-shaayinaM
namaami ku.njakaanane pravR^iddha-vahni-paayinam.h |
yadaa tadaa yathaa tathaa tathaiva kR^ishhNasatkathaa
mayaa sadaiva giiyataaM tathaa kR^ipaa vidhiiyataam.h |
pramaaNikaashhTakadvayaM japatyadhiitya yaH pumaan.h
bhavet.h sa nandanandane bhave bhave subhaktimaan.h || 8 ||

|| iti shriisha.nkaraachaaryavirachitaM shriikR^ishhNaashhTakaM || * * * * *

shloka dvayaM shloka trayaM


gajendra moksham.h

graahagraste gajendre ruvati sarabhasaM taarkshya maaruhya dhaavan.h 
vyaaghuurNan.h maalyabhuushhaa vasana parikaro megha gaMbhiira ghoshhaH |
aabibhraaNo rathaaN^gaM sharamasi mabhayaM shaN^kha chaapau sakheTau
hastaiH kaumodakii mapyavatu harirasaa vaMhasaaM saMhaternaH ||

nakraakraante kariindre mukuLita nayane muula muuletikhinne
naahaM naahaM nachaahaM na cha bhavati punastaadR^isho maadR^isheshhu
ityevaM tyaktahaste sapadi suragaNe bhaava shuunye samaste
muulaM yatpraaduraasiit.h sa dishatu bhagavaan.h maN^gaLaM santataM naH ||


shlokatrayam.h


praataH smaraami bhavabhiiti mahaarti shaantyai
naaraayaNaM garuDa vaahana maJNjanaabham.h |
graahaabhi bhuuta madavaaraNa mukti hetuM
chakraayudhaM taruNa vaarija patranetram.h ||

praatarnamaami manasaa vachasaa cha muurdhnaa
paadaaravinda yugaLaM paramasya puMsaH |
naaraayaNasya narakaarNava taaraNasya
paaraayaNa pravaNa vipra paraayaNasya ||

praatarbhajaami bhajataa mabhayaM karaM taM
praak.h sarva janma kR^ita paapa bhayaapanutyai |
yo graahavaktra patitaanghri gajendra ghora
shoka praNaashana karo dhR^ita shaN^kha chakraH ||

shlokatrayamidaM puNyaM praatarutthaaya yaH paThet.h
lokatraya gurustasmai dadhyaadaatmapadaM hariH ||

|| iti shloka dvayaM shloka trayam.h || * * * * *

pa.nchaayudha stotram.h	dvaadashanaama pa.njaram.h	shrii nR^isiMhaashhTottara shatanaama stotram.h	shrii lakshmiinR^isiMha karaavalamba stotram.h
chatuHslokii		nandanandana kR^ishhNaashhTakam	sloka dvayaM sloka trayaM

These pages are maintained
as a small step in fostering
sanaatana saampradaayam.

ITRANS transliteration scheme has been generally followed for all Sanskrit words written in Roman script, and adapted where appropriate, for easy reading.

These pages do not represent the official views of
any group or organization.

and

Netscape

Get your own Free Home Page

Go To: stotraas list